Præbebit vati crebrum poppysma roganti.
Divitibus responsa dabunt Phryx augur, et Indus 585 Conductus; dabit astrorum mundique peritus, Atque aliquis senior, qui publica fulgura condit. Plebeium in Circo positum est, et in aggere, fatum. Quæ nudis longum ostendit cervicibus aurum, Consulit ante phalas, delphinorumque columnas, 590 An saga vendenti nubat, caupone relicto.
Hæ tamen et partûs subeunt discrimen, et omnes Nutricis tolerant, fortunâ urgente, labores; Sed jacet aurato vix ulla puerpera lecto.
Tantum artes hujus, tantum medicamina possunt, 595 Quæ steriles facit, atque homines in ventre necandos Conducit. Gaude, infelix, atque ipse bibendum Porrige, quidquid erit: nam si distendere vellet, Et vexare uterum pueris salientibus, esses Æthiopis fortasse pater: mox decolor hæres Impleret tabulas, nunquam tibi mane videndus. Transeo suppositos, et gaudia, votaque sæpe Ad spurcos decepta lacus, atque inde petitos Pontifices Salios, Scaurorum nomina falso Corpore laturos. Stat Fortuna improba noctu, 605 Arridens nudis infantibus. Hos fovet omnes, Involvitque sinu: domibus tunc porrigit altis, Secretumque sibi mimum parat: hos amat, his se Ingerit, utque suos ridens producit alumnos.
Hic magicos affert cantus, hic Thessala vendit 610 Philtra, quibus valeat mentem vexare mariti, Et soleâ pulsare nates. Quod desipis, inde est : Inde animi caligo, et magna oblivio rerum, Quas modo gessisti. Tamen hoc tolerabile, si non Et furere incipias, ut avunculus ille Neronis, Cui totam tremuli frontem Cæsonia pulli Infudit. Quæ non faciet, quod Principis uxor? Ardebant cuncta, et fractâ compage ruebant, Non aliter, quam si fecisset Juno maritum Insanum. Minus ergo nocens erit Agrippinæ Boletus: siquidem unius præcordia pressit Ille senis, tremulumque caput descendere jussit
In cœlum, et longam manantia labra salivam. Hæc poscit ferrum atque ignes, hæc potio torquet : Hæc lacerat mixtos Equitum cum sanguine Patres. 625 Tanti partus equæ ! quanti una venefica constat !
Oderunt natos de pellice: nemo repugnet, Nemo vetet: jam jam privignum occidere fas est. Vos ego, pupilli, moneo, quibus amplior est res, Custodite animas, et nulli credite mensæ. Livida materno fervent adipata veneno. Mordeat ante aliquis, quidquid porrexerit illa, Quæ peperit: timidus prægustet pocula pappas. Fingimus hæc, altum Satira sumente cothurnum Scilicet? et finem egressi legemque priorum, Grande Sophocleo carmen bacchamur hiatu, Montibus ignotum Rutulis, cœloque Latino? Nos utinam vani! sed clamat Pontia, Feci ; Confiteor ; puerisque meis aconita paravi,
Quæ deprensa patent: facinus tamen ipsa peregi. 640 Tune duos unâ, sævissima vipera, cœnâ? Tune duos? Septem, si septem forte fuissent. Credamus tragicis, quidquid de Colchide sævâ Dicitur, et Procne: nil contra conor: et illæ Grandia monstra suis audebant temporibus; sed 645 Non propter nummos. Minor admiratio summis Debetur monstris, quoties facit ira nocentem Hunc sexum, et rabie jecur incendente feruntur Præcipites; ut saxa jugis abrupta, quibus mons Subtrahitur, clivoque latus pendente recedit.
Illam ego non tulerim, quæ computat, et seelus ingens Sana facit. Spectant subeuntem fata mariti Alcestim; et, similis si permutatio detur, Morte viri cupient animam servare catellæ. Occurrent multæ tibi Belides, atque Eriphylæ: Mane Clytemnestram nullus non vicus habebit. Hoc tantum refert, quod Tyndaris illa bipennem Insulsam et fatuam dextrâ lævâque tenebat: At nunc res agitur tenui pulmone rubetæ ; Sed tamen et ferro, si prægustabit Atrides Pontica ter victi cautus medicamina regis.
Er spes et ratio studiorum in Cæsare tantum : Solus enim tristes hac tempestate Camœnas Respexit, cum jam celebres notique poëtæ Balneolum Gabiis, Romæ conducere furnos Tentarent; nec fœdum alii, nec turpe putarent Præcones fieri, cum, desertis Aganippes Vallibus, esuriens migraret in atria Clio. Nam, si Pieriâ quadrans tibi nullus in umbrâ Ostendatur, ames nomen victumque Machæræ, Et vendas potius, commissa quod auctio vendit Stantibus, cenophorum, tripodas, armaria, cistas, Alcyonem Bacchi, Thebas et Terea Fausti. Hoc satius, quam si dicas sub judice, Vidi," Quod non vidisti; faciant equites Asiani
Quamquam et Cappadoces, faciant equitesque Bithyni,
Altera quos nudo traducit Gallia talo.
Nemo tamen studiis indignum ferre laborem Cogetur posthac, nectit quicumque canoris Eloquium vocale modis, laurumque momordit. Hoc agite, o juvenes! circumspicit, et stimulat vos, 20 Materiamque sibi Ducis indulgentia quærit. Si qua aliunde putas rerum exspectanda tuarum Præsidia, atque ideo crocea membrana tabellæ Impletur; lignorum aliquid posce ocyus; et, quæ Componis, dona Veneris, Thelesine, marito;
Aut clude, et positos tineâ pertunde libellos. Frange miser calamos, vigilataque prælia dele, Qui facis in parvâ sublimia carmina cellâ, Ut dignus venias hederis, et imagine macrâ. Spes nulla ulterior: didicit jam dives avarus Tantum admirari, tantum laudare disertos, Ut pueri Junonis avem. Sed defluit ætas Et pelagi patiens, et cassidis, atque ligonis. Tædia tunc subeunt animos; tunc seque, suamque Terpsichoren, odit facunda et nuda senectus.
Accipe nunc artes, ne quid tibi conferat iste,
Quem colis, et Musarum et Apollinis æde relictâ. ` Ipse facit versus, atque uni cedit Homero
Propter mille annos; et, si dulcedine famæ
Succensus recites, Maculonus commodat ædes. Hæc longe ferrata domus servire jubetur, In quâ sollicitas imitatur janua portas. Scit dare libertos extremâ in parte sedentes Ordinis, et magnas comitum disponere voces. Nemo dabit regum, quanti subsellia constent, Et quæ conducto pendent anabathra tigillo, Quæque reportandis posita est orchestra cathedris. Nos tamen hoc agimus, tenuique in pulvere sulcos Ducimus, et litus sterili versamus aratro. Nam si discedas, laquéo tenet ambitiosi Consuetudo mali: tenet insanabile multos Scribendi cacoëthes, et ægro in corde senescit. Sed vatem egregium, cui non sit publica vena, Qui nihil expositum soleat deducere, nec qui Communi feriat carmen triviale monetâ, Hunc, qualem nequeo monstrare, et sentio tantum, Anxietate carens animus facit, omnis acerbi Impatiens, cupidus silvarum, aptusque bibendis Fontibus Aonidum: neque enim cantare sub antro Pierio, thyrsumve potest contingere sana Paupertas, atque æris inops, quo nocte dieque Corpus eget: satur est, cum dicit Horatius" Euce!"
Quis locus ingenio, nisi cum se carmine solo Vexant, et dominis Cirrhæ Nysæque feruntur Pectora nostra, duas non admittentia curas? Magnæ mentis opus, nec de lodice parandâ Attonitæ, currus et equos faciesque Deorum Adspicere, et qualis Rutulum confundat Erinnys. Nam, si Virgilio puer et tolerabile deesset Hospitium, caderent omnes a crinibus hydri: Surda nihil gemeret grave buccina. Poscimus, ut sit Non minor antiquo Rubrenus Lappa cothurno, Cujus et alveolos et lænam pignerat Atreus ? Non habet infelix Numitor, quod mittat amico: Quintillæ quod donet, habet; nec defuit illi, Unde emeret multâ pascendum carne leonem Jam domitum: constat leviori bellua sumtu Nimirum, et capiunt plus intestina poëtæ ! Contentus famâ jaceat Lucanus in hortis Marmoreis: at Serrano, tenuique Saleio, Gloria quantalibet quid erit, si gloria tantum est? Curritur ad vocem jucundam, et carmen amica Thebaïdos, lætam fecit cum Statius Urbem, Promisitque diem: tantâ dulcedine captos Afficit ille animos, tantâque libidine vulgi Auditur: sed, cum fregit subsellia versu, Esurit, intactam Paridi nisi vendat Agauen. Ille et militiæ multis largitur honorem, Semestri vatum digitos circumligat auro. Quod non dant proceres, dabit histrio: tu Came- rinos,
Et Bareas, tu nobilium magna atria curas?
Præfectos Pelopea facit, Philomela tribunos. Haud tamen invideas vati, quem pulpita pascunt. Quis tibi Mæcenas? quis nunc erit aut Proculeius, Aut Fabius? quis Cotta iterum ? quis Lentulus alter? Tunc par ingenio pretium : tunc utile multis Pallere, et vinum toto nescire Decembri. Vester porro labor fecundior, historiarum
« ZurückWeiter » |