BOOK IX JOHN E. B. MAYOR M.A. PROFESSOR OF LATIN AND FELLOW OF [All Rights reserved] KC 8004 HARVARD 41758 Cambridge: PRINTED BY C. J. CLAY, M.A. & SON, AT THE UNIVERSITY PRESS. ΟΔΥΣΣΕΙΑΣ Ι. Αλκίνου ἀπόλογοι. Κυκλωπεία. Τὸν δ ̓ ἀπαμειβόμενος προσέφη πολύμητις Οδυσσεύς· «'Αλκίνοε κρεῖον, πάντων ἀριδείκετε λαῶν, ἤτοι μὲν τόδε καλὸν ἀκουέμεν ἐστὶν ἀοιδοῦ τοιοῦδ ̓ οἷος ὅδ ̓ ἐστὶ, θεοῖς ἐναλίγκιος αὐδήν. 5 οὐ γὰρ ἔγωγέ τί φημι τέλος χαριέστερον εἶναι ἢ ὅτ ̓ ἐϋφροσύνη μὲν ἔχῃ κάτα δῆμον ἅπαντα, δαιτυμόνες δ ̓ ἀνὰ δώματ' ἀκουάζωνται ἀοιδοῦ ἥμενοι ἑξείης, παρὰ δὲ πλήθωσι τράπεζαι σίτου καὶ κρειῶν, μέθυ δ ̓ ἐκ κρητῆρος ἀφύσσων 1ο οἰνοχόος φορέῃσι καὶ ἐγχείῃ δεπάεσσιν· τοῦτό τί μοι κάλλιστον ἐνὶ φρεσὶν εἴδεται εἶναι. σοὶ δ ̓ ἐμὰ κήδεα θυμὸς ἐπετράπετο στονόεντα εἴρεσθ', ὄφρ ̓ ἔτι μᾶλλον ὀδυρόμενος στεναχίζω. τί πρῶτόν τοι ἔπειτα, τί δ ̓ ὑστάτιον καταλέξω; 15 κήδε' ἐπεί μοι πολλὰ δόσαν θεοὶ Οὐρανίωνες. νῦν δ ̓ ὄνομα πρῶτον μυθήσομαι, ὄφρα καὶ ὑμεῖς |