Nec res atteritur longe sufflamine litis.
Solis praeterea testandi militibus jus
Vivo patre datur: nam quae sunt parta labore
Militiae placuit non esse in corpore census,
Omne tenet cujus regimen pater. Ergo Coranum
Signorum comitem castrorumque aera merentem
Quamvis jam tremulus captat pater. Hunc labor aequus
Provehit et pulcro reddit sua dona labori.
Ipsius certe ducis hoc referre videtur
Ut qui fortis erit sit felicissimus idem,
Ut laeti phaleris omnes et torquibus omnes-