The star that gilds the evening sky,
Though bright its ray, may never vie
Wi' Mary's dark and liquid eye;

Though black, yet O she's bonnie.
In yon green wood there is a bower,
Where lies a bed of witching power,
Under that bed there blooms a flower,
That steals the heart unwary!

O there is a charm, and there is a spell,
That, O and alack! I know too well,-
A pang that the tongue may hardly tell,
Though felt baith late and early!
The beauteous flower beneath the tree,
The spell of the wildest witcherye,
The gowd and the gear, an' a' to me,
Is my black but my bonnie Mary!

LOVE IS LIKE A DIZZINESS.

AIR-" Paddy's Wedding."

I LATELY lived in quiet case,
An' never wish'd to marry, O!
But when I saw my Peggy's face,
I felt a sad quandary O!
Though wild as ony Athol deer,

She has trepanned me fairly O!
Her cherry cheeks an' een sae clear
Torment me late an' early, O!
O, love, love, love!

Love is like a dizziness!

It winna let a poor body
Gang about his business!

To tell my feats this single week
Wad mak a daft-like diary, O!
I drave my cart outow'r a dike,
My horses in a miry, O!

I wear my stockings white an' blue,

My love's sae fierce an' fiery,

O!

I drill the land that I should plough,
An' plough the drills entirely, O!
O, love, love, love! &c.

Ae morning, by the dawn o' day,
I raise to theek the stable, O!
I keust my coat, an' plied away
As fast as I was able, O!

I wrought that morning out an' out,
As I'd been redding fire, O!
When I had done an' look'd about,
Gudefaith, it was the byre, O!
O, love, love, love! &c.

Her wily glance I'll ne'er forget,

The dear, the lovely blinkin o't Has pierced me through an' through the heart, An' plagues me wi' the prinkling o't.

I tried to sing, I tried to pray,

I tried to drown't wi' drinkin' o't,

I tried wi' sport to drive't away,
But ne'er can sleep for thinkin' o't.

O, love, love, love! &c.

Were Peggie's love to hire the job,
An' save my heart frae breaking, 0,
I'd put a girdle round the globe,
Or dive in Corryvrekin, O;

Or howk a grave at midnight dark
In yonder vault sae eerie, O;
Or gang an' spier for Mungo Park
Through Africa sae dreary, O.
O, love, love, love! &c.

Nae man can tell what pains I prove,
Or how severe my pliskie, O!
I swear I'm sairer drunk wi' love

Than ever I was wi' whisky, O!
For love has raked me fore an' aft,
I scarce can lift a leggie, O!
I first grew dizzy, then gaed daft,
An' soon I'll dee for Peggy, O!
O, love, love, love!

Love is like a dizziness!
It winna let a poor body

Gang about his business!

O, WEEL BEFA' THE MAIDEN GAY.

O, WEEL befa' the maiden gay,
In cottage, bught, or penn,
An' weel befa' the bonny May

That wons in yonder glen ;
Wha loes the modest truth sae weel,

Wha's aye sae kind, an' aye sae leal,

An' pure as blooming asphodel
Amang sae mony men.

O, weel befa' the bonny thing
That wons in yonder glen!

'Tis sweet to hear the music float Along the gloaming lea;

'Tis sweet to hear the blackbird's note Come pealing frae the tree;

To see the lambkin's lightsome race-
The speckled kid in wanton chase-
The young deer cower in lonely place,
Deep in her flowery den ;

But sweeter far the bonny face
That smiles in yonder glen!

O, had it no' been for the blush
O' maiden's virgin flame,

Dear beauty never had been known,

An' never had a name;

But aye sin' that dear thing o' blame Was modell'd by an angel's frame,

The power

o' beauty reigns supreme

O'er a' the sons o' men ;

But deadliest far the sacred flame

Burns in a lonely glen!

There's beauty in the violet's vest

There's hinney in the haw

There's dew within the rose's breast, The sweetest o' them a'.

The sun will rise an' set again,

An' lace wi' burning goud the main-
The rainbow bend outow'r the plain,
Sae lovely to the ken;

But lovelier far my bonny thing
That wons in yonder glen !

CAMERON'S WELCOME HAME.

This song was written to the Highland air bearing that name.

O STRIKE your harp, my Mary,

Its loudest, liveliest key,
An' join the sounding correi
In its wild melody;

For burn, an' breeze, an' billow,

Their sangs are a' the same,

And every waving willow

Soughs" Cameron's welcome hame."

O list yon thrush, my Mary,
That warbles on the pine,
His strain, sae light an' airy,
Accords in joy wi' thine;
The lark that soars to heaven,

The sea-bird on the faem,

Are singing, fraé morn till even,

Brave" Cameron's welcome haine."

D'ye mind, my ain dear Mary,

When we hid in the tree,