Then gree wi' your Jamie when he comes again; From this time I'll count him a son o' my ain."
COME all ye jolly shepherds
That whistle through the glen,
I'll tell ye of a secret,
That courtiers dinna ken:
What is the greatest bliss
That the tongue o' man can name?
'Tis to woo a bonny lassie
When the kye comes hame.
When the kye comes hame, When the kye comes hame,
'Tween the gloaming and the mirk ̧ When the kye comes hame.
'Tis not beneath the coronet, Nor canopy of state, 'Tis not on couch of velvet, Nor arbour of the great- 'Tis beneath the spreading birk, In the glen without the name, Wi' a bonny, bonny lassie, When the kye comes hame.
There the blackbird bigs his nest, For the mate he lo'es to see, And on the topmost bough, O, a happy bird is he;
Then he pours his melting ditty, And love is a' the theme, And he'll woo his bonny lassie, When the kye comes hame.
When the blewart bears a pearl, And the daisy turns a pea, And the bonnie lucken gowan Has fauldit up her ee,
Then the lavrock frae the blue lift,
Draps down an' thinks nae shame
To woo his bonny lassie,
When the kye comes hame.
See yonder pawky shepherd That lingers on the hill- His yowes are in the fauld, And his lambs are lying still; Yet he downa gang to bed, For his heart is in a flame To meet his bonny lassie, When the kye comes hame.
When the little wee bit heart Rises high in the breast,
And the little wee bit starn Rises red in the east, O there's joy sae dear,
That the heart can hardly frame Wi' a bonny, bonny lassie, When the kye comes hame.
Then since all Nature joins In this love without alloy, O, wha wad prove a traitor To Nature's dearest joy? Or wha wad choose a crown, Wi' its perils and its fame, And miss his bonny lassie, When the kye comes hame. When the kye comes hame, When the kye comes hame, 'Tween the gloaming and the mirk,' When the kye comes hame.
O, JEANIE, THERE'S NAETHING TO FEAR YE.
O, MY lassie, our joy to complete again, Meet me again i' the gloamin' my dearie; Low down in the dell let us meet again- O! Jeanie, there's naething to fear ye!
Come, when the wee bat flits silent and eiry; Come, when the pale face o' Nature looks weary,
Love be thy sure defence,
Beauty and innocence :
O! Jeanie, there's naething to fear ye!
Sweetly blow the haw an' the rowan-tree, Wild roses speck our thicket so breery; Still, still will our walk in the greenwood be O! Jeanie there's naething to fear ye :
List when the blackbird o' singing grows weary, List when the beetle bee's bugle comes near ye! Then come with fairy haste,
Light foot, an' beating breast:
O! Jeanie, there's naething to fear ye!
Far, far will the bogle and brownie be; Beauty an' truth they darena come near it. Kind love is the tie of our unity;
A' maun love it, an' a' maun revere it. Love makes the sang o' the woodland sae cheerie, Love gars a' Nature look bonnie that's near ye; Love makes the rose sae sweet,
O! Jeanie, there's naething to fear ye!
« ZurückWeiter » |