Opulenta dei per templa parentis,
Fulvosque tripodas, donaque Delphica,
Ion Actæa genitus Creusa.
Ergo, tu visere lucos
Musarum ibis amenos ;
Diamque Phobi rursus ibis in domum,
Oxonia
quam
valle colit,
Delo posthabita,
Bifidoque Parnassi jugo:
Ibis honestus,
Postquam egregiam tu quoque sortem
Nactus abis, dextri prece sollicitatus amici.
Illic legeris inter alta nomina
Authorum, Graiæ simul et Latinæ
Antiqua gentis lumina, et verum decus.
Vos tandem, haud vacui mei labores,
Quicquid hoc sterile fudit ingenium,
Jam sero placidam sperare jubeo
Perfunctam invidia requiem, sedesque beatas,
Quas bonus Hermes,
Et tutela dabit solers Roüsi;
[longe
Quo neque lingua procax vulgi penetrabit, atque
Turba legentum prava facesset :
At ultimi nepotes,
Et cordatior ætas,
Judicia rebus sequiora forsitan
Adhibebit, integro sinu.