Fortuna; sed te censeri laude tuorum,

Pontice, noluerim sic ut nihil ipse futurae

75

Laudis agas. Miserum est aliorum incumbere famae,
Ne conlapsa ruant subductis tecta columnis.
Stratus humi palmes viduas desiderat ulmos.
Esto bonus miles, tutor bonus, arbiter idem
Integer; ambiguae si quando citabere testis
Incertaeque rei, Phalaris licet imperet ut sis
Falsus et admoto dictet periuria tauro,
Summum crede nefas animam praeferre pudori
Et propter vitam vivendi perdere causas.
Dignus morte perit, cenet licet ostrea centum
Gaurana et Cosmi toto mergatur aheno.
Expectata diu tandem provincia cum te
Rectorem accipiat, pone irae frena modumque,
Pone et avaritiae, miserere inopum sociorum:
Ossa vides regum vacuis exucta medullis.
Respice quid moneant leges, quid curia mandet,
Praemia quanta bonos maneant, quam fulmine iusto
Et Capito et Numitor ruerint, damnante senatu,
Piratae Cilicum. Sed quid damnatio confert?
Praeconem, Chaerippe, tuis circumspice pannis,
Cum Pansa eripiat, quidquid tibi Natta reliquit,
Iamque tace; furor est post omnia perdere naulum.
Non idem gemitus olim neque vulnus erat par
Damnorum, sociis florentibus et modo victis.
Plena domus tunc omnis, et ingens stabat acervus
Nummorum, Spartana chlamys, conchylia Coa,
Et cum Parrhasii tabulis signisque Myronis
Phidiacum vivebat ebur, nec non Polycliti

Multus ubique labor; rarae sine Mentore mensae.
Inde Dolabella atque istinc Antonius, inde

105
Sacrilegus Verres referebant navibus altis
Occulta spolia et plures de pace triumphos.
Nunc sociis iuga pauca boum, grex parvus equarum,
Et pater armenti capto eripietur agello,
Ipsi deinde Lares, si quod spectabile signum,

110 Si quis in aedicula deus unicus; haec etenim sunt Pro summis, nam sunt haec maxima. Despicias tu Forsitan inbellis Rhodios unctamque Corinthon: Despicias merito; quid resinata iuventus Cruraque totius facient tibi levia gentis ?

115 Horrida vitanda est Hispania, Gallicus axis Illyricumque latus; parce et messoribus illis, Qui saturant urbem circo scaenaeque vacantem. Quanta autem inde feres tam dirae praemia culpae, Cum tenuis nuper Marius discinxerit Afros?

120 Curandum in primis ne magna iniuria fiat Fortibus et miseris. Tollas licet omne quod usquam est Auri atque argenti, scutum gladiumque relinques Et iaculum et galeam : spoliatis arma supersunt. Quod modo proposui, non est sententia ; verum est; 125 Credite me vobis folium recitare Sibyllae. Si tibi sancta cohors comitum, si nemo tribunal Vendit acersecomes, si nullum in coniuge crimen, Nec per conventus et cuncta per oppida curvis Unguibus ire parat nummos raptura Celaeno:

130 Tu licet a Pico numeres genus, altaque si te Nomina delectant, omnem Titanida pugnam

105. adque stinc cantonius P, atque hinc Antonius w, atque dehinc Lachmann. 109. eripietur pw, eripi ... P, eripiatur s. 112. iam coniecit Buecheler. 122. usquam w, umquam P. 123, relinqu P, relinquas S. 124. delebat Lachmann. 131. tu PSs, tum p, tunc w.

135

140

145

Inter maiores ipsumque Promethea ponas :
De
quocumque

voles proavum tibi sumito libro.
Quod si praecipitem rapit ambitio atque libido,
Si frangis virgas sociorum in sanguine, si te
Delectant hebetes lasso lictore secures :
Incipit ipsorum contra te stare parentum
Nobilitas claramque facem praeferre pudendis.
Omne animi vitium tanto conspectius in se
Crimen habet, quanto maior qui peccat habetur.
Quo mihi te solitum falsas signare tabellas
In templis, quae fecit avus, statuamque parentis
Ante triumphalem ? quo, si nocturnus adulter

1
Tempora Santonico velas adoperta cucullo?

Praeter maiorum cineres atq ossa volucri
Carpento rapitur pinguis Lateranus, et ipse,
Ipse rotam astringit sufflamine mulio consul,
Nocte quidem ; sed Luna videt, sed sidera testes
Intendunt oculos. Finitum tempus honoris
Cum fuerit, clara Lateranus luce flagellum
Sumet et occursum numquam trepidabit amici
Iam senis, ac virga prior annuet atque maniplos
Solvet et infundet iumentis hordea lassis.
Interea, dum lanatas robumque iuvencum
More Numae caedit Iovis ante altaria, iurat
Solam Eponam et facies olida ad praesepia pictas.
Sed cum pervigiles placet instaurare popinas,
Obvius adsiduo Syrophoenix unctus amomo
Currit, Idumaeae Syrophoenix incola portae
Hospitis adfectu dominum regemque salutat,

150

155

160

148. sufilamine mulio S ad florilegium S. Galli grammaticus (. L. K. VI, p. 231, multo sufflamine P (immo p) w. 155. robum S florilegium, torvum pw, erasum in P, scriptum erat ut videtur robum. Ps, udus pw.

Et cum venali Cyanis succincta lagona.
Defensor culpae dicet mihi : “Fecimus et nos
Haec iuvenes.”—Esto; desisti nempe, nec ultra
Fovisti errorem. Breve sit, quod turpiter audes; 165
Quaedam cum prima resecentur crimina barba;
Indulge veniam pueris: Lateranus ad illos
Thermarum calices inscriptaque lintea vadit
Maturus bello, Armeniae Syriaeque tuendis
Amnibus et Rheno atque Histro; praestare Neronem 170
Securum valet haec aetas. Mitte Ostia, Caesar,
Mitte, sed in magna legatum quaere popina;
Invenies aliquo cum percussore iacentem,
Permixtum nautis et furibus ac fugitivis,
Inter carnifices et fabros sandapilarum

175
Et resupinati cessantia tympana Galli.
Aequa ibi libertas, communia pocula, lectus
Non alius cuiquam, nec mensa remotior ulli.
Quid facias talem sortitus, Pontice, servum ?
Nempe in Lucanos aut Tusca ergastula mittas. 180
At vos, Troiugenae, vobis ignoscitis et, quae
Turpia cerdoni, Volesos Brutumque decebunt.

Quid, si numquam adeo foedis adeoque pudendis Utimur exemplis ut non peiora supersint? Consumptis opibus vocem, Damasippe, locasti

185 Sipario, clamosum ageres ut Phasma Catulli. Laureolum velox etiam bene Lentulus egit, Iudice me dignus vera cruce. Nec tamen ipsi Ignoscas populo : populi frons durior huius, Qui sedet et spectat triscurria patriciorum,

190 Planipedes audit Fabios, ridere potest qui Mamercorum alapas. Quanti sua funera vendant,

195

200

205

Quid refert ? vendunt nullo cogente Nerone,
Nec dubitant celsi praetoris vendere ludis.
Finge tamen gladios inde atque hinc pulpita poni,
Quid satius? mortem sic quisquam exhorruit, ut sit
Zelotypus Thymeles, stupidi collega Corinthi?
Res haud mira tamen, citharoedo principe, mimus
Nobilis. Haec ultra quid erit nisi ludus? et illic
Dedecus urbis habes, nec murmillonis in armis,
Nec clipeo Gracchum pugnantem aut falce supina-
Damnat enim tales habitus, et damnat et odit,
Nec galea faciem abscondit :movet ecce tridentem
Postquam vibrata pendentia retia dextra
Nequiquam effudit, nudum ad spectacula vultum
Erigit, et tota fugit agnoscendus harena.
Credamus tunicae, de faucibus aurea cum se
Porrigat et longo iactetur spira galero.
Ergo ignominiam graviorem pertulit omni
Vulnere cum Graccho iussus pugnare secutor.

Libera si dentur populo suffragia, quis tam
Perditus ut dubitet Senecam praeferre Neroni,
Cuius supplicio non debuit una parari
Simia nec serpens unus nec culleus unus?
Par Agamemnonidae crimen, sed causa facit rem
Dissimilem : quippe ille deis auctoribus ultor
Patris erat caesi media inter pocula ; sed nec
Electrae iugulo se polluit aut Spartani
Sanguine coniugii, nullis aconita propinquis
Miscuit, in scaena numquam cantavit Orestes,
Troica non scripsit. Quid enim Verginius armis
Debuit ulcisci magis, aut cum Vindice Galba,

210

215

220

194. delebat Ruperti. 202. delebant Ruperti, Heinrich ; et pw, sed P, sed abscondit delebat Hermann. 204. vibrata pw, bibrata P, librata s, Macleane.