Abbildungen der Seite



Он, whistle, and I'll come to you, my lad,
Oh, whistle, and I'll come to you, my lad:
Though father and mither and a' should gae mad,
Oh, whistle, and I'll come to you, my lad.

But warily tent1 when you come to court me,
And come na unless the back yett2 be a-jee;
Syne up the back stile, and let naebody see,
And come as ye were na comin' to me.

At kirk, or at market, whene'er ye meet me,
Gang by me as though that ye cared na a flie;
But steal me a blink o' your bonny black ee,
Yet look as ye were na looking at me.

Aye vow and protest that ye care na for me, And whiles ye may lightly3 my beauty a wee; But court na anither, though jokin' ye be, For fear that she wile your fancy frae me.


SCOTS, whae hae wi' WALLACE bled,
Scots, wham BRUCE has aften led;
Welcome to your gory bed,

Or to Victory!

Now's the day, and now's the hour;

See the front o' battle lour;

1 Carefully heed.

2 Gate.

3 Disparage

See approach proud Edward's power-
Chains and slavery!

Wha will be a traitor knave?
Wha can fill a coward's grave?

Wha sae base as be a slave!
Let him turn and flee!

Wha, for SCOTLAND'S king and law,
FREEDOM'S Sword will strongly draw;-
Freeman stand, or freeman fa',
Let him follow me!

By Oppression's woes and pains!
By your sons in servile chains!
We will drain our dearest veins,
But they shall be free!

Lay the proud usurpers low!
Tyrants fall in every foe!
LIBERTY'S in every blow!

Let us do or die!


CONTENTED Wi' little, and cantie1 wi' mair,
Whene'er I forgather2 wi' sorrow and care,
I gie them a skelp,3 as they're creeping alang,
Wi' a cog o' guid swats, and an auld Scottish зang.


I whiles claw the elbow o' troublesome thought;
But man is a sodger, and life is a faught;

My mirth and guid humor are coin in my pouch,

And my freedom's my lairdship nae monarch dare touch.

[blocks in formation]

A towmond' o' trouble, shoud that be my fa'
A night o' guid fellow-ship sowthers2 it a':
When at the blithe end o' our journey at last,
Wha the deil ever thinks o' the road he has past?

Blind Chance, let her snapper and stoytes on her way;
Be't to me, be't frae me, e'en let the jade gae:
Come ease or come travail; come pleasure or pain;
My warst word is-" Welcome, and welcome again!


COMING through the rye, poor body,
Coming through the rye,
She draiglet a' her petticoatie,
Coming through the rye.

O Jenny's a' wat, poor body,
Jenny's seldom dry;
She draiglet a' her petticoatie,
Coming through the rye.

Gin' a body meet a body
Coming through the rye;
Gin a body kiss a body-
Need a body cry?

Gin a body meet a body
Coming through the glen;
Gin a body kiss a body—
Need the warld ken?

1 Twelvemonth.

2 Solders.

3 Stagger and stumble.

4 Soiled.

5 If.


Is there, for honest poverty,

That hangs his head and a' that?
The coward slave, we pass him by
We dare be poor for a' that!
For a' that, and a' that,

Our toils obscure, and a' that;
The rank is but the guinea-stamp,
The man's the gowd for a' that!

What though on hamely fare we dine,
Wear hodden gray, and a' that;
Gie fools their silks, and knaves their wine,
A man's a man for a' that!

For a' that, and a' that,

Their tinsel show and a' that;

The honest man, though e'er so poor,
Is king o' men for a' that!

Ye see yon birkie,* ca'd a lord,

Wha struts, and stares, and a' that
Though hundreds worship at his word,
He's but a coof1 for a' that:

For a' that, and a' that,

His riband, star, and a' that;
The man of independent mind,
He looks and laughs at a' that!

A king can mak a belted knight,
A marquis, duke, and a' that;

But an honest man's aboon his might,
Guid faith he maunna2 fa' that!

*Literally the phrase means a mettlesome fellow: here it must be rendered a proud and affected fellow.

1 Fool,

2"He maunna fa' that "- he must not try that,

For a' that, and a' that,

Their dignities, and a' that,

The pith o' sense, and pride o' worth,
Are higher ranks than a' that.

Then let us pray that come it may—
As come it will for a' that-

That sense and worth, o'er a' the earth,
May bear the gree, and a' that;
For a' that, and a' that,

It's comin' yet for a' that,

That man to man, the warld o'er,

Shall brothers be for a' that!

« ZurückWeiter »