keinen zwifeł wolt haben im weri gegeben daz er daz veld daz ler spacium vnd daz geistlich bild volbrehte daz im so lang vor beslossen waz. wan er waz des gewennet daz im daz vorder gnvo nahe alles sament wart in etlicher glicheit der selben wise. Vnd do zehant morne wart es vollebraht uf sin ende.

Dis bvecheli daz do heisset der ewigen wisheit bvecheli des sin ist div goetlich minne div in disem ivngesten zit begint in mengem menschen erloeschen in etlichen wider enzünden vnd ist des materig von dem anvang bis an daz ende vnsers herren iesu cristi minneriches liden. Vnd wie ein frymer mensch daz selb bild nach sinem vermügenne mves ervolgen. Vnd von dem wirdigen lobe vnd vnsaglichem herzeleide der reinen künigin von himmelrich. Vnd hier inne vermüschet in tovgenlicher wise. zehen materien die vsgenomenlich edel vnd nütze sint. Wie etlichiv menschen vnwissentlich werden gezogen. Von einem herzeclichen riuwende vnd zuo einem milten vergebenne. Wie minneclich got ist vnd wie betrogen der welt minne ist. Ein vsrihtvnge driger dinge div einem minner allermeist anoehten wider stan. Daz ein ist wie er so zornlich müge geschinen vnd doch so minneclich gesin. Daz ander warvmb er sich sinen minnern dicke nach herzelvst enzühet vnd wabi man sin waren gegenwirtikeit bekennet. Daz drit warvmb es got sinen friunden als reht übel in zit gestattet. Vnd dis hat beslossen in ime von iemer werindem we der helle. Von vnmessiger froeide des himelriches. von vnmessiger edeli zitliches li

dens. Daz ander teil dis bvechelins wie man sol lernen sterben. Wie man inrlich lebensol. wie man got minneclich enphahen sol. Wie man got grvndlosklich alle stvnd loben sol. Daz dritte teil hat die hvndert hetrahtvnge als man siv alle tag mit andaht sprechen sol.

Swer dis bvecheli daz mit flis geschriben vnd geriht ist welle abschriben der sol es alles sament eigenlich an worten vnd sinnen schriben als es hie stat vnd nivt dar zuo noch davon legen noch div wort verwandeln. vnd sol es denne einest oder zwiurent hier ab dvrnehteclich rihten. Vnd sol nivt svnders dar vs schriben denne die hvndert betrahtvnge ze hinderost die schrib darvs oder wer im üt anders tuot der sol fürhten gottes rach wan er berovbet got des wirdigen lobes. Vnd div menschen der besservnge. vnd den der sich darzvo gearbeitet hat siner arbeit. Vnd darvmb wer es nivt hiervmb welle lassen daz mves gerochen werden von der ewigen wisheit *).

Nun folgen in meiner Handschrift noch zehn kurze Gebete zu der Mutter des Herrn, anfangend: »Ave Maria ich mane dich,« oder: »Ave Maria gnade,« welche ich bei Diepenbrock nicht finde. Sind diese vielleicht im Schlusse zu verstehen, wo es heisst: »Do stvont im dennoch vs ein wening ze machende an einem ende daz ünser lieben frovwen zvo gehorte?« Ich gebe sie vielleicht ein Andermal.

III.

Dominica I post Epiphaniam
Domini.

Pater tuus et ego dolentes querebamus te. Luce II. Querendus est Cristus per fidem. per amorem. per iustitiam. per bona opera. Vide autem in presenti evangelio. Quando. Vhi. A quibus. Ad quid? In querendo autem quatuor consideranda sunt. Temporis oportunitas. Loci congruitas. Querentis humilitas. Quesiti utilitas. Quodsi esset nobis dolor de Cristi absentia. tunc quereremus eum cum omni diligentia. Diziu wort diu ich für han gelait in dem latine. diu hât man hiut gelesen an dem h. ew. ze der h. messe. vnd diu selben wort diu sprach Maria gotez muoter ze ier zarten kinde do si ez vant in dem tempel ze ierusalem. si sprach: Fili quid fecisti nobis sic. ego et pater tuus dolentes querebamus te. Si sprach. sun wie hastu uns so getan. ich vnd din vater Joseph haben dich gesuochet mit leidigen herzen. Vnd wie Maria ier zartes kint iesum cristum ferlur. daz vinden wir hiut an dem h. ew. gescriben. wan an dem lesen wir also. Do daz kind iesus cristus zwelf iâr alt wart. daz do herre Joseph vnd Maria gotez muoter ze ainer osteron mit dem kinde iesu cristo fuoren hinz ierusalem. nach der gewonhait dez hochziticlichez tagez. vnd do diu hôchgezit ain ende nam do fuoren si wider dannan. Aber daz kint iesus. daz belaip ze ierusalem vnd dez enwis

son sin vriunde niht. wan si wândon er wêre vnder der schar bi anderen kinden. vnd do si nu ûf den weck kômen. do suohten si daz kint vnder sinen mâgen vnd under sinen erkanten. Vnd do si sin vnder den niht funden. do kêrton si wider gegen ierusalem vnd suohten in da. Also kam ez daz si in über drige tage funden in dem tempel ze ierusalem sizzende enmitemen vnder den lerern vnd die horter vnd vrâget si vnd alle die daz horton die erscraken. von siner wishait. vnd von sinen antwürten. vnd do si daz sahen. do nam ez si grôz wunder. also sprach sin muoter hinz im. Fili quid fecisti nobis sic? ego et pater tuus dolentes querebamus te. Si sprach. sun wie hastu uns so getan. sich din vater Joseph vnd ich. haben dich gesuochet mit laidigen herzen. Also antworter in vnd sprach. Quid est quod me querebatis? nesciebatis quod in his que patris mei sunt oportet me esse? Er sprach. waz ist daz. daz ier mich hant gesuochet. alder wizzent ier niht. daz ich bi den dingen muoz sin diu minez vater sint? vnd dez wortez verstuonden (si) niht. daz er da hinz in hat geredet. Vnd also fuor daz kint mit in. wider hain hinz Nazareht. vnd waz in allez dez vndertan. dez ain kint vndertan sol sin vater vnd muoter. aber sin muoter Maria diu behelt alliu diziu wort gar schôn in ierem herzen. Et iesus proficiebat sapientia. et etate. et gratia. apud deum et homines. Vnd also nam iesus zv an wishait. vnd an dem alter. vnd an der genade bi got. vnd bi den liuten. daz sint diu wort dez h. ew.

4

zen.

Pater tuus et ego dolentes querebamus te. Din vater vnd ich haben dich gesuocht mit leidigen herNu son wir merchen. 'daz wir unseren herren -son suochen. mit dem heiligen gelovben. vnd mit der heiligen minne. vnd mit der rehtekait. vnd son in och suochen. mit allen guoten werken. vnd davon son wir an dizem h. ew. sehen. Wenne man got sül suochen. alder wo man in sül suochen. alder wer in sül suochen. alder warumbe man in sül suochen. Vnd an dem suochende son wier vier dinch erkennen. Zem ersten. die zimelichon zit. Zem andern. die koemelichon stat. Zem dritten. die deumuetekait dez suochenden. Zem vierden. son wier erkennen den nuz der an dem suochende liget. wan wêre daz daz wir amer nah im hêten, waiz got so suohten wir in mit allem vlize. Nu son wier zem ersten erkennen di zimelichon zît an der wir got son suochen. vnd davon sprichet ysaias der wissage. Querite dominum dum inveniri potest. Er sprichet. ier sont got suochen. die wil ier in mugent vinden. vnd mit den worten so leret er uns wie wier got suln suochen. vnd wie wier in och mugen vinden. wan er sprichet dar nách zehant. Derelinquat impius uiam suam et vir iniquus cogitationes suas. Er spricht der sünder der sol den sündigen weck lâzen den er ist gegangen. vnd der boese vnd der vnreht der sol och lazen die boesen vnd di vnrainen gedenke die er hat gehept in sinem herzen. vnd sol wider keren ze got. wan so wiler sich über in erbarmen. Vnd diu zit wie du got solt suochen diu wirt uns hiute gegeben ze erkennende an dem h. ew.